విజయనగరం: బాల్య వివాహాన్ని అడ్డగించిన శక్తి టీమ్

విజయనగరం జిల్లా పాలకొండ మండలం తుమరాడ గ్రామంలో జరగబోతున్న బాల్య వివాహాన్ని శక్తి టీమ్ అడ్డుకుంది. ఇంటర్మీడియట్ చదువుతున్న బాలికకు పెళ్లి జరగబోతుందన్న సమాచారం అందడంతో శక్తి టీమ్ సభ్యులు వెంటనే అక్కడికి చేరుకున్నారు. బాలిక తల్లిదండ్రులు, కుటుంబ సభ్యులకు కౌన్సిలింగ్ చేసి బాల్య వివాహాలు చట్టరీత్యా నేరమని వివరించారు. దాంతో తల్లిదండ్రులు చివరకు పెళ్లిని నిలిపివేయడానికి ఒప్పుకున్నారు. ఈ కార్యక్రమంలో శక్తి టీమ్ సభ్యులు, గ్రామ సచివాలయ సిబ్బంది పాల్గొన్నారు.