ఇన్సూరెన్స్ డబ్బు కోసం భర్తను దారుణంగా హతమార్చిన భార్య

ఇన్సూరెన్స్ డబ్బుల కోసం ఓ భార్య భర్తను అత్యంత క్రూరంగా హత్య చేయించి, ఆపై దానిని రోడ్డుప్రమాదంగా చిత్రీకరించేందుకు ప్రయత్నించిన అమానవీయ ఘటన ఖమ్మం రూరల్​ పోలీస్​ స్టేషన్​ పరిధిలో చోటు చేసుకుంది. ఆదివారం నిందితుల వివరాలను పోలీసులు వెల్లడించారు. ఖమ్మం నగరం గాంధీనగర్‌‌‌‌లో నివాసం ఉంటున్న చాగంటి రవి (55) పెయింటింగ్​ పని చేస్తూ జీవనం సాగిస్తున్నాడు. ఆయనకు భార్య చాగంటి ప్రశాంతి (40) తోపాటు బావమరిది వరుసయ్యే దేశబోయిన శ్రీనివాస్​ (30), జోగి రాజ్ కుమార్ (28), జోగి వెంకటేశ్‌‌ (36), జోగి రాంబాబు(36).. ప్లాన్​ ప్రకారం రూ. 66 లక్షల ఇన్సూరెన్స్​ చేయించారు. ------------ ఆ​ డబ్బులతో పాటు రవికి చెందిన ఎర్టిగా కారును కూడా అమ్ముకుందామని ప్లాన్‌‌ వేశారు. ప్రమాదంలో రవి మృతి చెందితే డబ్బులు క్లెయిమ్​ చేయొచ్చని.. యాక్సిడెంట్​ చేసి చంపుదామని స్కెచ్‌‌ గీశారు. ముందుగానే వేసిన ప్లాన్​ ప్రకారం ఈ నెల 2న రవికి కాల్​ చేసి మందు తాగుదామని బయటకు తీసుకెళ్లారు. రవికి బాగా మద్యం తాగించిన తర్వాత ఇంటికి వెళ్దామని చెప్పి రూరల్​ మండలం ఎం వెంకటాయపాలెం ఊరి చివరి దించి.. ఆ నలుగురు ఆటోలో వెళ్లిపోయారు. -------- మద్యం మత్తులో ఉన్న రవి వెంకటాయపాలెం వైపు రోడ్డుమీద నడుచుకుంటూ వెళ్తున్నాడు. ముందే వేసుకున్న ప్లాన్‌‌ ప్రకారం.. వెంకటేశ్‌‌కు చెందిన కారును జోగి రాజ్​కుమార్​ వేగంగా నడుపుకుంటూ వచ్చి రవిని వెనుకనుంచి ఢీ కొట్టాడు. దీంతో రవి అక్కడిక్కడే ప్రాణాలు విడిచాడు. అనతరం నిందితులు తనగంపాడు గ్రామానికి చెందిన వెంకటేశ్‌‌​ స్నేహితుడు దంచినాలు సురేశ్‌‌​ ఇంటి వద్ద కారును పెట్టి.. కవర్‌‌‌‌ కప్పి వెళ్లిపోయారు. -------- అనంతరం జరిగిన విషయం తనకు తెలియనట్లు రవి భార్య పోలీస్​ స్టేషన్​కు వెళ్లి.. తన భర్త రోడ్డు ప్రమాదంలో మృతి చెందాడని ఫిర్యాదు చేసింది. పోలీసులు తమదైన శైలిలో దర్యాప్తు చేసి కేసును వారం రోజుల్లోనే ఛేదించారు. నిందితులను అరెస్టు చేసి ఒక కారు, ఆటో, సెల్​ఫోన్లు స్వాధీనం చేసుకున్నారు. నిందితులను రిమాండ్​కు తరలించినట్లు ఎస్‌‌హెచ్‌‌వో ముష్క రాజు తెలిపారు.