రాజమండ్రిలో కల్తీ పాల ఘటనలో మరొకరు మృతి

రాజమండ్రి కల్తీ పాల ఘటనలో మరొకరు మృతి చెందారు. చౌడేశ్వరి నగర్‌కు చెందిన అనంతలక్ష్మి (72) అనే మహిళ శనివారం మృతి చెందింది. దీంతో మృతుల సంఖ్య 10కి చేరింది. కల్తీ పాలు సేవించిన కారణంగా అనారోగ్యం పాలైన మరో పదిమంది ప్రస్తుతం రాజమండ్రిలోని వివిధ ఆసుపత్రుల్లో చికిత్స పొందుతున్నారు. వీరిలో ఆరుగురు తీవ్ర స్థితిలో ఉండగా వెంటిలేటర్‌పై డయాలసిస్ చికిత్స అందిస్తున్నామని, మరో నలుగురికి డయాలసిస్ కొనసాగుతోందని వైద్యులు తెలిపారు.