సంజూకు కేరళ సర్కార్ సన్మానం!

టీ20 ప్రపంచకప్‌ లో అద్భుత ఆటతీరు కనబర్చిన కేరళ స్టార్ క్రికెటర్ సంజూ శాంసన్‌ను ఆ రాష్ట్ర ప్రభుత్వం ఘనంగా సత్కరించనుంది. ముఖ్యమంత్రి పినరయి విజయన్ నేతృత్వంలో భారీ బహిరంగ సభ ఏర్పాటు చేసి సంజూను సన్మానించనున్నట్లు ప్రకటించింది. టీ20 ప్రపంచకప్ ఫైనల్‌లో జట్టుకు భారీ స్కోరు అందించడంలో సంజూ కీలక పాత్ర పోషించాడని రాష్ట్ర విద్యాశాఖా మంత్రి కొనియాడారు. కేరళకు గర్వకారణంగా నిలిచిన సంజూ విజయాన్ని ఘనంగా సెలబ్రేట్ చేయాలన్న ఉద్దేశంతో ఈ కార్యక్రమం నిర్వహిస్తున్నట్లు తెలిపారు. సంజూ విజయం రాష్ట్రంలోని వేలాది మంది యువ క్రికెటర్లకు స్ఫూర్తినిస్తుందని మంత్రి పేర్కొన్నారు.