ఈసారి కూడా కప్ ఆర్సీబీదే:డివిలియర్స్

ఈసారి కూడా ఐపీఎల్ విన్నర్ ఆర్సీబీయేనంటూ దక్షిణాఫ్రికా క్రికెటర్ ఏబీ డివిలియర్స్ ఆసక్తికర వ్యాఖ్యలు చేశారు. డిఫెండింగ్ ఛాంపియన్స్‌గా బరిలోకి దిగుతున్న రాయల్ ఛాలెంజర్స్ బెంగళూరు వరుసగా రెండోసారి విజేతగా నిలుస్తుందని ఆయన జోస్యం చెప్పాడు. ఆర్సీబీ జట్టులో గెలవాలనే కసి ఉన్న పోరాట యోధులు చాలా మంది ఉన్నారని, జట్టు కూర్పులో పెద్దగా మార్పులు లేకపోవడం వారికి కలిసొచ్చే అంశమని డివిలియర్స్ చెప్పుకొచ్చాడు. సమష్టి కృషితో మరోసారి విజేతలుగా నిలిచే సత్తా ఈ జట్టుకు ఉందని విశ్లేషించాడు. కేవలం సీనియర్లే కాకుండా, ఈ సీజన్‌లో ఆర్సీబీ తరపున బరిలోకి దిగుతున్న యువ ఆటగాళ్ల ప్రతిభను కూడా ఏబీ కొనియాడాడు. వారి మెరుపులు జట్టుకు అదనపు బలాన్ని ఇస్తాయని పేర్కొన్నాడు.