వరల్డ్ కప్ లో విఫలం..అభిషేక్ కు వారి మద్దతు

టీ 20 వరల్డ్ కప్ లో వరుసగా విఫలమవుతున్న వేళ, ఫైనల్ పోరులో అభిషేక్ ను తప్పించాలన్న డిమాండ్లు వస్తున్నాయి. జింబాబ్వేపై హాఫ్ సెంచరీ తప్ప మిగతా ఏ మ్యాచుల్లోనూ అభిషేక్ రాణించలేకపోయాడు. అయినప్పటికీ అభిషేక్ కు తోటి ప్లేయర్లు, మాజీల నుంచి మద్దతు లభిస్తోంది. అభిషేక్ ను ఫైనల్లో ఆడించాలని టీమిండియా మాజీ కోచ్ రవిశాస్త్రి సూచించాడు. మార్పులు చేయాల్సిన అవసరం లేదని, తుదిపోరులో అభిషేక్ రాణిస్తాడని శాస్త్రి ధీమా వ్యక్తం చేశారు. అటు సంజూ శాంసన్ కూడా అభిషేక్ తనదైన రోజున ఎంతటి విధ్వంసం సృష్టించగలడో మనందరికీ తెలుసునంటూ కితాబిచ్చాడు. ఆ రోజు వరల్డ్ కప్ ఫైనల్ కూడా కావచ్చునని అన్నారు. ప్రతి క్రికెటర్ కెరీర్‌లో ఇలాంటి ఒడిదుడుకులు ఎదురవుతాయని, వాటిని అధిగమించి నిలబడటమే అసలైన క్రీడా స్ఫూర్తి అని ఆయన అభిప్రాయపడ్డారు.