అరసవిల్లి సూర్యనారాయణ స్వామి కిరణదర్శనం… భక్తులకు అరుదైన అవకాశం

కలియుగ ప్రత్యక్ష దైవమైన అరసవిల్లి శ్రీ సూర్యనారాయణ స్వామి ఆలయంలో భక్తులు ఆసక్తిగా ఎదురుచూసే పవిత్రమైన స్వామివారి కిరణదర్శనం ఈ నెల 9, 10 తేదీల్లో జరగనుంది. వాతావరణం అనుకూలిస్తే ఆ రోజు ఉదయం 6 గంటల నుంచి 6.30 గంటల వరకు మాత్రమే సూర్యకిరణాలు నేరుగా గర్భగుడిలోకి ప్రవేశించి స్వామివారి పాదాలపై పడే అరుదైన దృశ్యం కనిపిస్తుంది. ఈ విశేష దర్శనాన్ని తిలకించేందుకు పెద్ద సంఖ్యలో భక్తులు ఆలయానికి తరలివచ్చే అవకాశం ఉండడంతో ఆలయాధికారులు ప్రత్యేక ఏర్పాట్లు చేస్తున్నారు .