టీమిండియాకు బీసీసీఐ భారీ ప్రైజ్ మనీ

టీ20 వరల్డ్ కప్ సాధించిన టీమీండియన్స్ పై బీసీసీఐ కాసుల వర్షం కురిపించింది. సూర్యసేనకు ఏకంగా రూ. 131 కోట్ల భారీ నగదు బహుమతిని ప్రకటించింది. 2024లో రోహిత్ శర్మ కెప్టెన్సీలో భారత్ ప్రపంచకప్ గెలిచినప్పుడు రూ.125 కోట్లు ప్రకటించగా, ఇప్పుడు ఆ రికార్డును అధిగమించడం విశేషం. అటు ICC నుంచి కూడా భారత జట్టుకు భారీ మొత్తంలో ప్రైజ్ మనీ లభించింది. టీ20 ప్రపంచకప్ విజేతగా నిలిచిన భారత జట్టుకు ఐసీసీ 3 మిలియన్ డాలర్లు అంటే సుమారు రూ. 27.48 కోట్లు బహుమతిగా అందించింది. ఈ టోర్నీ కోసం ఐసీసీ రికార్డు స్థాయిలో 13.5 మిలియన్ డాలర్ల ప్రైజ్ మ‌నీని కేటాయించింది. ఇది గత ఎడిషన్ కంటే 20 శాతం అధికం.