అల్లు శిరీష్-నయనిక ప్రీ వెడ్డింగ్ రిసెప్షన్..మెరిసిన తారలు

అల్లు వారి ఇంట సందడి వాతావరణం నెలకొంది. మార్చి 6న అల్లు శిరీష్, నయనికల వివాహ వేడుక జరగనుంది. ఇప్పటికే ఈ పెళ్లి వేడుకకు సంబంధించిన కార్యక్రమాలు ఘనంగా ప్రారంభమయ్యాయి. తాజాగా అల్లు శిరీష్, నయనిక ప్రీ వెడ్డింగ్ రిసెప్షన్ కన్నుల పండుగలా జరిగింది. కుటుంబ సభ్యులు, సన్నిహితులు, సినీ ప్రముఖుల సమక్షంలో ఈ వేడుక ప్రత్యేక ఆకర్షణగా మారింది.ప్రస్తుతం ఈ వేడుకకు సంబంధించిన ఫొటోస్ వైరల్ అవుతున్నాయి. మార్చి 1న అల్లు శిరీష్ ను పెళ్లి కొడుకు చేసే వేడుక నిర్వహించిన సంగతి తెలిసిందే. పద్ధతి ప్రకారం ఈ వేడుక మంగళ స్నానంతో మొదలైంది. అల్లు శిరీష్-నయనిక కొన్నాళ్ల నుంచి ప్రేమించుకుంటున్నారు. ఇప్పుడు పెళ్లి చేసుకోబోతున్నారు. గతేడాది వీళ్ల ఎంగేజ్మెంట్ జరిగింది.