‘ధురందర్ 2: ది రివెంజ్’ కలెక్షన్ల సునామీ..!

బాలీవుడ్ స్టార్ డైరెక్టర్ ఆదిత్య ధర్ దర్శకత్వం వహించిన స్పై యాక్షన్ మూవీ ‘ధురందర్ 2: ది రివెంజ్’. ఉగాది పండగ సందర్భంగా భారీ అంచనాల మధ్య విడుదలైంది. ఈ చిత్రానికి మొదటి రోజే పాజిటివ్ రెస్పాన్స్ రావడంతో కలెక్షన్ల సునామి సృష్టిస్తోంది. తాజా నివేదికల ప్రకారం ధురంధర్ 2 సినిమా మొదటి రోజు ఈ సినిమా థియేటర్లలో రూ. 100 నుండి 115 కోట్ల వరకు వసూలు చేసిందని ట్రేడ్ పండితులు అంచనా వేస్తున్నారు. ఇది కేవలం భారతదేశవ్యాప్త వసూళ్లు మాత్రమే. ఈ చిత్రాన్ని మొదటి రోజు ప్రత్యేక ప్రదర్శనల ద్వారా కూడా విడుదల చేశారు. దీని ద్వారా రూ. 43 కోట్లు వసూలు అయ్యాయి. ఓవరాల్ గా మొదటి రోజు మొత్తం వసూళ్లు సుమారు రూ. 172.63 కోట్లుగా ఉన్నాయి. అయితే.. ఈ కలెక్షన్స్ గురించి చిత్రయూనిట్ అధికారికంగా ప్రకటించలేదు.