బూమ్రా, సంజూల ప్రదర్శనపై అదానీ ఆసక్తికర పోస్ట్

టీ వరల్డ్ కప్ సాధించిన భారత జట్టును అదానీ గ్రూప్ ఛైర్మన్ గౌతమ్ అదానీ ఆకాశానికెత్తారు. టోర్నమెంట్ అసాంతం జట్టు కనబర్చిన అద్భుత ప్రదర్శన, కీలక ఆటగాళ్ల ప్రదర్శనను పొగడ్తల్లో ముంచెత్తారు. తన అధికారిక ఎక్స్ అకౌంట్ లో దీనికి సంబంధించిన సమాచారాన్ని పోస్ట్ చేశారు. అన్ బిలీవబుల్, అన్ స్టాపబుల్, అన్ బీటెన్ భారత్.. అంటూ జట్టును అభినందించారు గౌతమ్ అదాని. ఈ సందర్భంగా వికెట్ కీపర్ బ్యాటర్ సంజు శాంసన్ ను ప్రత్యేకంగా ప్రశంసించారు గౌతమ్ అదాని. అతని బ్యాటింగ్ తీరు, నిలకడగా ఆడిన వైఖరిని కేరళలోని విజింజం పోర్ట్ లో గల ఓ భారీ క్రేన్ తో పోల్చారు. ఇంత నిలకడ, స్థిరత్వం విజింజం పోర్ట్ లో ఉండే క్రేన్ కు కూడా లేదని కితాబిచ్చారు. తిరువనంతపురం సమీపంలో ఉండే ఈ విజింజం పోర్ట్.. అదాని గ్రూప్ కు చెందినది. ఫాస్ట్ బౌలర్ జస్ ప్రీత్ బుమ్రా గురించీ ప్రస్తావించారు. బ్యాట్స్‌మెన్‌లు అతన్ని ఎదుర్కొనేటప్పుడు దారి తప్పిపోతారని, ఈ అహ్మదాబాద్ ప్లేయర్, ప్రపంచంలోనే అత్యుత్తమం అని చెప్పారు. ట్రోఫీ మన ఇంటికొచ్చిందని అన్నారు.