జనరిక్ మందుల్ని ప్రజలకు అందుబాటులో ఉంచాలి

హైదరాబాద్: ప్రభుత్వ ఆసుపత్రుల్లో మందుల ధరలు అధికంగా ఉన్నాయని నియంత్రించాలని శాసనమండలి ఛైర్మన్ గుత్తా సుఖేందర్ రెడ్డి సూచించారు. జనరిక్ మెడిసిన్ షాపులు ప్రజలకు అందుబాటులో లేకుండా మూలకు పరిమితమవుతున్నాయని ఆయన ఆవేదన వ్యక్తం చేశారు. వీటిని సులభంగా అందుబాటులో ఉండే ప్రదేశాల్లో ఏర్పాటు చేయాలని ఆరోగ్య శాఖ మంత్రి దామోదర రాజనర్సింహకు సూచించారు. సాధారణ ప్రజలకు తక్కువ ధరల్లో మందులు అందేలా చర్యలు తీసుకోవాలని కోరారు.