ఇన్‌స్టాగ్రామ్ డౌన్.. వేలాది యూజర్లకు మెసేజ్ సమస్యలు

ప్రపంచవ్యాప్తంగా ఇన్‌స్టాగ్రామ్ సేవలు కొంత సేపు నిలిచిపోవడంతో వేలాది మంది వినియోగదారులు ఇబ్బందులు ఎదుర్కొన్నారు. ముఖ్యంగా డైరెక్ట్ మెసేజ్‌లు (DMs) పంపడం, రిప్లై ఇవ్వడం పనిచేయడం లేదని యూజర్లు ఫిర్యాదు చేశారు. అవుటేజ్ ట్రాకింగ్ వెబ్‌సైట్ Downdetector ప్రకారం 10,000కు పైగా యూజర్లు సమస్యలను రిపోర్ట్ చేశారు. అమెరికాలో ఎక్కువగా ఫిర్యాదులు నమోదయ్యాయి, భారతదేశంలో కూడా కొందరు వినియోగదారులు ఇలాంటి సమస్యలు ఎదుర్కొన్నారు. అయితే ఈ అంతరాయం గురించి ఇన్‌స్టాగ్రామ్ యాజమాన్య సంస్థ Meta ఇంకా అధికారికంగా స్పందించలేదు.