ఇరాన్‌లో భూకంపం..

పశ్చిమ ఆసియా (West Asia)లో యుద్ధ మేఘాలు కమ్ముకున్న వేళ, ఇరాన్‌ను భూకంపం వణికించింది. ఇవాళ మధ్యాహ్నం గెరాష్ నగరం కేంద్రంగా రిక్టర్ స్కేలుపై 4.3 తీవ్రతతో భూకంపం సంభవించినట్లుగా అధికారులు ధృవీకరించారు. భూ అంతర్భాగంలో సుమారు 10 కి.మీ లోతులో భూకంప కేంద్రం ఉన్నట్లుగా గుర్తించారు. అమెరికా, ఇజ్రాయెల్‌తో తీవ్ర ఉద్రిక్తతలు కొనసాగుతున్న తరుణంలో ఈ విపత్తు సంభవించడం గమనార్హం. భూకంపం కారణంగా జరిగిన ప్రాణ, ఆస్తి నష్టానికి సంబంధించిన పూర్తి వివరాలు ఇంకా తెలియాల్సి ఉంది. ప్రభావిత ప్రాంతాల్లో అధికారులు సహాయక చర్యలను పర్యవేక్షిస్తున్నారు.