రోహిత్, ధోనీ సరే..కోహ్లీ ఎక్కడ?

టీ20 వరల్డ్ కప్ లో టీమిండియా ఆటను ఆస్వాదించేందుకు పలువురు మాజీ ప్లేయర్లు తరలివచ్చారు. మాజీ కెప్టెన్లు ఎంఎస్ ధోని, రోహిత్ శ‌ర్మ‌లు ఫైన‌ల్ మ్యాచ్‌ను ప్ర‌త్య‌క్షంగా వీక్షించారు. మైదానంలోని వీఐపీ బాక్స్ నుంచి వీరిద్ద‌రు మ్యాచ్‌ను తిల‌కించారు. వీరిద్ద‌రిని చూసిన భార‌త అభిమానులు పండుగ చేసుకున్నారు. అయితే.. మ‌రో దిగ్గ‌జ ఆట‌గాడు విరాట్ కోహ్లీ వీరితో పాటు లేక‌పోవ‌డం చూసి చాలా మంది నిరాశ చెందారు. కోహ్లీ రాక‌పోవ‌డానికి గ‌ల కార‌ణం ఏంట‌ని నెటిజ‌న్లు సోష‌ల్ మీడియాలో తెగ సెర్చ్ చేస్తున్నారు. మాజీ టైటిల్ విజేత కెప్టెన్లుగా ఎంఎస్ ధోని, రోహిత్ శ‌ర్మ‌లు టీ20 ప్ర‌పంచ‌క‌ప్‌కు అధికారిక హోదాలో హాజ‌రు అయ్యారని, కోహ్లీకి అధికారికంగా ఆహ్వానం అంద‌లేద‌ని అంటున్నారు. కోహ్లీ ప్ర‌స్తుతం కుటుంబ స‌భ్యులు, స్నేహితుల‌తో క‌లిసి మ్యాచ్‌ల‌ను ఇంట్లోనే వీక్షించి ఉండవచ్చని నెటిజన్లు మాట్లాడుకుంటున్నారు.