డోన్ట్ వర్రీ.. ప్రధాని మోదీ ప్రకటన

దేశంలో చమురు నిల్వలు సమృద్ధిగా ఉన్నాయని, ప్రజలు ఆందోళన చెందాల్సిన అవసరం లేదని ప్రధాని నరేంద్ర మోదీ లోక్‌సభలో స్పష్టం చేశారు. పశ్చిమ ఆసియాలో యుద్ధ ఉద్రిక్తతలు ఉన్నప్పటికీ, భారత్ తన వ్యూహాత్మక నిల్వలను పెంచుకుంటోందని ఆయన పేర్కొన్నారు. గతంలో 27 దేశాల నుంచే చమురు దిగుమతి చేసుకునేవారమని, ఇప్పుడు ఆ సంఖ్యను 41కి పెంచి వనరులను వైవిధ్యీకరించామని తెలిపారు. దేశ ఇంధన అవసరాలకు ఎలాంటి అంతరాయం కలగకుండా ప్రభుత్వం అన్ని చర్యలు తీసుకుంటోందని భరోసా ఇచ్చారు.