ఆస్కార్ వేడుకపై మెరిసిన ప్రియాంక

ఆస్కార్ వేడుకలో గ్లోబల్ స్టార్ ప్రియాంక చోప్రా మరోసారి ప్రత్యేక ఆకర్షణగా నిలిచారు. ప్రియాంక తన భర్త, పాప్ సింగర్ నిక్ జోనాస్‌తో కలిసి ఈ వేడుకకు హాజరయ్యారు. హాలీవుడ్ నటుడు జేవియర్ బార్డెమ్‌తో కలిసి ఆమె బెస్ట్ ఇంటర్నేషనల్ ఫీచర్ ఫిల్మ్ అవార్డును ప్రదానం చేసేందుకు వేదికపైకి వచ్చారు. వీరిద్దరూ కలిసి నార్వే చిత్రం సెంటిమెంటల్ వ్యాల్యూకు అవార్డును అందించారు. ఈ వేడుక కోసం ప్రియాంక చోప్రా డియోర్ సంస్థ ప్రత్యేకంగా డిజైన్ చేసిన తెల్ల గౌనులో మెరిశారు. పాత హాలీవుడ్ శైలిని ప్రతిబింబించేలా ఉన్న ఈ డ్రెస్‌లో ఆమె ఎంతో అందంగా కనిపించారు.