టీ 20 వరల్డ్ కప్ లో అద్భుతమైన ఆటతీరుతో ఆకట్టుకున్న ఇషాన్ కిషన్..ఐపీఎల్ లో సన్ రైజర్స్ జట్టుకు నాయకత్వం వహించబోతున్నాడు. రెగ్యులర్ కెప్టెన్ ప్యాట్ కమ్మిన్స్ టోర్నీలో ఆరంభ మ్యాచ్ లకు దూరమవుతున్న నేపథ్యంలో అతని స్ధానంలో తాత్కాలిక కెప్టెన్ గా ఇషాన్ ను ప్రకటించింది. మరో ఓపెనర్ అభిషేక్ శర్మ వైస్ కెప్టెన్ గా ఎంపికయ్యారు. గాయం కారణంగా ఇప్పటికే యాషెస్ టెస్టుల్లో ఒకదానిలో మాత్రమే ఆడిన కమ్మిన్స్.. టీ20 ప్రపంచ కప్కు కూడా దూరమయ్యాడు. ప్రస్తుతం వెన్ను గాయం నుంచి కోలుకుంటున్న కమ్మిన్స్.. ఐపీఎల్ లో ఆలస్యంగా చేరే అవకాశం ఉంది. ఇక, నాయకత్వ బాధ్యతలు అందుకున్న ఇషాన్ కిషన్ కు పలు జట్లకు నాయకత్వం వహించిన అనుభవం కూడా ఉంది. జార్ఖండ్ తమ తొలి సయ్యద్ ముస్తాక్ అలీ ట్రోఫీని గెలుచుకోవడంలో కిషన్ కీలక పాత్ర పోషించాడు. ఫైనల్లో కిషన్ అద్భుతమైన సెంచరీ సాధించాడు.
సంబంధిత వార్తలు
రింకూ ‘సింహగర్జన’. ఈడెన్ గార్డెన్స్లో కేకేఆర్ క్రేజీ విక్టరీ
రాజస్థాన్తో జరిగిన ఉత్కంఠ పోరులో కేకేఆర్ 4 వికెట్ల తేడాతో గెలిచింది. ఓటమి అంచున ఉన్న జట్టును రింకూ సింగ్ (53*), అనుకుల్ రాయ్ (29*) మెరుపు ఇన్నింగ్స్లతో గట్టెక్కించారు. అంతకుముందు వరుణ్ చక్రవర్తి (3/14) ధాటికి రాజస్థాన్ 155 పరుగులకే పరిమితమైంది. కేకేఆర్ ఖాతాలో ఇది క్రేజీ విక్టరీ!
టీ కొట్టు దగ్గర ఇషాన్ కిషన్? షాక్ అవుతున్న నెటిజన్లు
క్రికెట్ స్టార్ ఇషాన్ కిషన్ను అచ్చుగుద్దినట్లు ఉన్న వ్యక్తి టీ స్టాల్ వద్ద కనిపించడంతో సోషల్ మీడియా ఊగిపోతోంది. ఆ వ్యక్తి హావభావాలు, జుట్టు చూసి "ఇషాన్ టీ కొట్టు పెట్టాడా?" అంటూ నెటిజన్లు ఫన్నీ కామెంట్లతో హోరెత్తిస్తున్నారు. ఐపీఎల్ వేళ ఈ వీడియో నెట్టింట సెన్సేషన్గా మారింది.
జియోహాట్స్టార్ షాక్.. ఈడెన్లో ఫ్యాన్స్ ఫైర్
KKR vs RR మ్యాచ్ సందర్భంగా జియోహాట్స్టార్లో సాంకేతిక సమస్యలు తలెత్తాయి. లైవ్ స్ట్రీమింగ్ మధ్యలో నిలిచిపోవడం, బఫరింగ్ అవ్వడంతో క్రికెట్ అభిమానులు తీవ్ర అసహనం వ్యక్తం చేస్తున్నారు. సోషల్ మీడియాలో మీమ్స్తో నెటిజన్లు హోరెత్తిస్తున్నారు. కీలక సమయంలో స్ట్రీమింగ్ ఆగిపోవడంతో మ్యాచ్ చూడలేకపోతున్నామంటూ ఫ్యాన్స్ ఫిర్యాదు చేస్తున్నారు.
జురెల్ ‘మెరుపు’ స్టంపింగ్.. సచిన్ ఫిదా!
కేకేఆర్తో పోరులో రాజస్థాన్ కీపర్ ధ్రువ్ జురెల్ అద్భుత స్టంపింగ్తో గ్రీన్ను అవుట్ చేసి అందరినీ ఆశ్చర్యపరిచాడు. గాల్లో డైవ్ చేస్తూ జురెల్ చేసిన ఈ విన్యాసానికి క్రికెట్ లెజెండ్ సచిన్ ప్రశంసలు కురిపించారు. "మెరుపు వేగంతో అద్భుతం చేశావు ధ్రువ్" అంటూ ట్వీట్ చేయడంతో ఈ వీడియో నెట్టింట వైరల్ అవుతోంది.
