కుటుంబ సమేతంగా శ్రీవారిని దర్శించుకున్న సీఎం చంద్రబాబు

ఆంధ్రప్రదేశ్ ముఖ్యమంత్రి చంద్రబాబు నాయుడు మనవడు దేవాన్ష్ పుట్టినరోజు సందర్భంగా కుటుంబ సమేతంగా తిరుమల శ్రీవారిని దర్శించుకున్నారు. శనివారం ఉదయం కుటుంబ సభ్యులతో కలిసి ఆలయంలో మొక్కులు చెల్లించుకున్నారు. ఈ సందర్భంగా టీటీడీ అధికారులు ఆలయ మహాద్వారం వద్ద సంప్రదాయ స్వాగతం పలికారు. చంద్రబాబుతో పాటు భువనేశ్వరి, లోకేశ్, బ్రాహ్మణి, దేవాన్ష్ కలిసి వైకుంఠం క్యూ కాంప్లెక్స్ ద్వారా దర్శనానికి వెళ్లారు. ప్రతి ఏటా దేవాన్ష్ జన్మదినం సందర్భంగా తిరుమల దర్శనం, అన్నదానానికి విరాళం ఇవ్వడం వారి కుటుంబానికి ఆనవాయితీగా కొనసాగుతోంది.