సన్ రైజర్స్ జట్టులోకి పాక్ స్పిన్నర్..ఫ్యాన్స్ ఫైర్

స‌న్‌రైజ‌ర్స్ జ‌ట్టు పాకిస్తాన్ ప్లేయర్ ను వేలంలో తీసుకోవడంపై తీవ్ర విమర్శలు వస్తున్నాయి. ద హండ్రెడ్ టోర్నీ కోసం పాకిస్థానీ స్పిన్న‌ర్ అబ్రార్ అహ్మ‌ద్‌ను సన్ రైజర్స్ లీడ్స్ జట్టు రూ.2.34 కోట్లు వెచ్చించి సొంతం చేసుకుంది. దీంతో స‌న్ ఓన‌ర్స్ తీరుపై ఫ్యాన్స్ తీవ్ర ఆగ్రహం వ్యక్తం చేస్తున్నారు. వేలంలో సన్‌రైజర్స్ సీఈవో కావ్యా మారన్, ప్రధాన కోచ్ డానియల్ వెట్టోరి పాల్గొన్నారు. దీంతో ఐపీఎల్ 2026లో కూడా సన్‌రైజర్స్ హైదరాబాద్ జట్టు ఆడే మ్యాచ్‌లను బాయ్‌కాట్ చేయాలంటూ అభిమానులు ట్వీట్లు చేస్తున్నారు. ఈ వివాదంపై బీసీసీఐ వైస్ ప్రెసిడెంట్ రాజీవ్ శుక్లా స్పందించారు. అది విదేశీ లీగ్‌లో జరిగిన వ్యవహారమని, ఈ అంశంపై బీసీసీఐ జోక్యం చేసుకునే అవకాశం లేదని శుక్లా అన్నారు. ఆ ఫ్రాంచైజీదే తుది నిర్ణయమని చెప్పుకొచ్చారు.