రిటైర్మెంట్ పై సూర్య ఏమన్నారంటే..

టీమిండియా టీ 20 వరల్డ్ కప్ విశ్వ విజేతగా నిలిచింది. భారత్‌కు టీ20 ప్రపంచకప్ అందించిన మూడో కెప్టెన్‌గా సూర్య కుమార్ యాదవ్ నిలిచాడు. అయితే, ఈ టోర్నీలో సూర్య పెద్దగా రాణించలేకపోయాడు. ఒక్క అమెరికాతో మ్యాచ్‌లోనే కీలక ఇన్నింగ్స్ ఆడాడు. ఆ తర్వాత సూర్య నుంచి చెప్పుకోదగ్గ ప్రదర్శన రాలేదు. ఈ క్రమంలో కెప్టెన్ సూర్య కుమార్ యాదవ్ రిటైర్మెంట్ గురించి పెద్ద ఎత్తున చర్చ జరిగింది. వాస్తవానికి ఫైనల్ కు ముందే సూర్య రిటైర్మెంట్ విషయం చర్చకు వచ్చింది. ఫైనల్ లో పరుగులు ఏం చేయకుండానే సూర్య కుమార్ అవుట్ అయ్యాడు. దీంతో.. ఇక సూర్య సెలవు తీసుకోవటం ఖాయమని అందరూ భావించారు. అయితే, కప్ గెలిచాక సూర్య కుమార్ తన రిటైర్మెంట్ పైన కీలక ప్రకటన చేసారు. ఓ రిపోర్టర్ అడిగిన ప్రశ్నకు స్పందిస్తూ..ప్రస్తుతం అంతా బాగానే ఉందిగా. ఇప్పుడు దాని గురించి ఆలోచించడం ఎందుకు అంటూ రిటైర్మెంట్ వార్తలకు ముగింపు ఇచ్చాడు.