టీ–సేవ ఆన్లైన్ స్కిల్ కేంద్రాల ఏర్పాటుకు దరఖాస్తుల ఆహ్వానం

తెలంగాణ వ్యాప్తంగా టీ–సేవ ఆన్లైన్ స్కిల్ కేంద్రాల ఏర్పాటుకు అర్హత మరియు ఆసక్తి గల అభ్యర్థుల నుండి దరఖాస్తులు కోరబడుతున్నాయి. పంచాయతీ, మండల, మున్సిపాలిటీ, జిల్లా మరియు సిటీల స్థాయిల్లో ఈ కేంద్రాలను ఏర్పాటు చేసుకోవచ్చు. ఈ కేంద్రాల ద్వారా నిరుద్యోగులు మరియు ఔత్సాహికులు స్వయం ఉపాధి పొందేందుకు మంచి అవకాశం కల్పిస్తున్నారు. అందరికీ వివిధ రకాల డిజిటల్ సేవలు అందుబాటులోకి రానున్నాయి. ఈ కేంద్రాల ద్వారా కొత్త పాన్ కార్డుల దరఖాస్తు, కరెక్షన్, బస్సు, ట్రైన్, విమాన టికెట్ల బుకింగ్ వంటి సేవలు అందించవచ్చు. అలాగే బ్యాంకింగ్ మనీ ట్రాన్స్‌ఫర్, ఆధార్ ఆధారిత పేమెంట్ సిస్టం, మైక్రో ఏటీఎం సేవలు, క్యాష్ డిపాజిట్లు అందుబాటులో ఉంటాయి. హెల్త్, బైక్ మరియు కార్ ఇన్సూరెన్స్ వంటి బీమా సేవలతో పాటు వివిధ రకాల బిల్లుల చెల్లింపులు కూడా చేయవచ్చు.