విజయవాడ మున్సిపల్ కార్పొరేషన్ (వీఎంసీ) లో ఏసీబీ సోదాలు

విజయవాడ మున్సిపల్ కార్పొరేషన్ (వీఎంసీ) టౌన్ ప్లానింగ్ విభాగంలో ఏసీబీ అధికారులు మంగళవారం ఆకస్మిక తనిఖీలు నిర్వహించారు. అక్రమ నిర్మాణాలకు సంబంధించిన ఫైళ్లు, రికార్డులను అధికారులు పరిశీలించారు. ప్రజల నుంచి, సోషల్ మీడియాలో వచ్చిన ఫిర్యాదుల నేపథ్యంలో ఈ దాడులు చేపట్టినట్లు ఏసీబీ అధికారులు తెలిపారు. టౌన్ ప్లానింగ్ విభాగంలో నిబంధనలకు విరుద్ధంగా అనుమతులు ఇచ్చారా లేదా అనే అంశాన్ని పరిశీలిస్తున్నారు. అవసరమైన అన్ని ఫైళ్లను డౌన్‌లోడ్ చేసి పరిశీలిస్తున్నామని అధికారులు చెప్పారు. అక్రమాలు బయటపడితే చట్టపరమైన చర్యలు తీసుకుంటామని హెచ్చరించారు. విచారణ అనంతరం పూర్తి నివేదికను ప్రభుత్వానికి అందజేయనున్నట్లు తెలిపారు.