హోటల్ బిల్లులో గ్యాస్ ఛార్జ్… వైరల్ అయిన బిల్

వాణిజ్య గ్యాస్ సిలిండర్ల కొరత దేశవ్యాప్తంగా హోటళ్ల వ్యాపారంపై ప్రభావం చూపుతోంది. పలు ప్రాంతాల్లో హోటళ్లు ధరలు పెంచగా, కొన్ని చోట్ల దుకాణాలు మూతపడ్డాయి. ఈ నేపథ్యంలో చెన్నైలోని ఓ హోటల్ బిల్ సోషల్ మీడియాలో వైరల్‌గా మారింది. ఇడ్లీ, వడ వంటి పదార్థాలతో పాటు బిల్లులో ప్రత్యేకంగా గ్యాస్ ఛార్జ్ కూడా చేర్చడం దీనికి కారణం. గ్యాస్ కొరతతో ఖర్చులు పెరిగినందున ఇలా చేయాల్సి వచ్చిందని హోటల్ యాజమాన్యం తెలిపింది. వినియోగదారులు సహకరించాలని పలుచోట్ల హోటళ్లలో బోర్డులు కూడా ఏర్పాటు చేశారు.