పాకిస్థాన్‌లో భారీగా తగ్గిన పెట్రోల్ , డీజిల్ ధరలు

పశ్చిమాసియా ఉద్రిక్తతలతో పెరుగుతున్న చమురు ధరల ప్రభావం పాకిస్థాన్‌పై తీవ్రంగా పడింది. ఇప్పటికే ద్రవ్యోల్బణంతో ఇబ్బంది పడుతున్న ప్రజల్లో ఆగ్రహం పెరుగుతుండటంతో ప్రభుత్వం కీలక నిర్ణయం తీసుకుంది. పెట్రోల్ ధరను ఏకంగా 80 పాకిస్థానీ రూపాయలు తగ్గిస్తూ ప్రధాని షెహబాజ్ షరీఫ్ ప్రకటించారు. రాజధాని సహా పలు ప్రాంతాల్లో నెలరోజుల పాటు ప్రజా రవాణాను ఉచితంగా అందిస్తామని తెలిపారు. ఇటీవలే సుంకాల పెంపుతో పెట్రోల్ ధర 458 పీకేఆర్, డీజిల్ 520 పీకేఆర్‌కు చేరడంతో ఒత్తిడి పెరిగింది. ప్రజాగ్రహాన్ని తగ్గించేందుకు ఈ నిర్ణయాలు తీసుకున్నట్లు ప్రభుత్వం తెలిపింది.