కాకినాడ జిల్లాలోకి పెద్దపులి ఎంట్రీ..? టెన్షన్ లో స్థానికులు

ఏపీలో గోదావరి తీర ప్రాంతంలో పెద్దపులి సంచారం కలకలం రేపుతోంది. మొన్నటి వరకు పోలవరం జిల్లాలో కనిపించిన పులి తాజాగా కాకినాడ జిల్లా ప్రత్తిపాడు మండలంలోకి ప్రవేశించినట్లు అటవీశాఖ అధికారులు గుర్తించారు. ప్రస్తుతం దారపల్లి అటవీ ప్రాంతం పరిసరాల్లో సంచరిస్తున్నట్లు సమాచారం. పులి ప్రత్తిపాడు, శంకవరం వైపుకు వెళుతుందా లేదా అనకాపల్లి జిల్లా వైపు మళ్లుతుందా అన్న ఆందోళన నెలకొంది. పులి కదలికలపై ప్రత్యేక బృందాలు నిఘా పెంచాయి. ప్రజలు అప్రమత్తంగా ఉండాలని అటవీశాఖ అధికారులు సూచిస్తున్నారు.