వివేకా కేసు పిటిషన్లపై 4 వారాల్లో నిర్ణయం: సుప్రీంకోర్టు కీలక ఆదేశం

మాజీ మంత్రి వైఎస్ వివేకానంద రెడ్డి హత్య కేసుకు సంబంధించిన పిటిషన్లపై నాలుగు వారాల్లో విచారణ ముగించి తీర్పు ఇవ్వాలని ట్రయల్ కోర్టును సుప్రీంకోర్టు ఆదేశించింది. ఈ కేసులో మూడో సప్లిమెంటరీ ఛార్జిషీట్ దాఖలు చేసినట్లు సీబీఐ కోర్టుకు తెలిపింది. తమ దర్యాప్తు పూర్తయిందని సీబీఐ తరఫు న్యాయవాది పేర్కొన్నారు. అయితే తాము లేవనెత్తిన అంశాలపై దర్యాప్తు జరగలేదని వివేకా కుమార్తె సునీత తరఫు న్యాయవాది వాదించారు. దీంతో ఈ అంశాలపై ట్రయల్ కోర్టును ఆశ్రయించవచ్చని జస్టిస్ ఎం.ఎం. సుందరేశ్ ధర్మాసనం పేర్కొంది. సెక్షన్ 207 కింద దాఖలైన పిటిషన్లను నాలుగు వారాల్లో పరిష్కరించాలని ట్రయల్ కోర్టుకు ఆదేశాలు జారీ చేసింది