ఇంటి నుంచే మీల్స్.. లేదా వర్క్ ఫ్రమ్ హోమ్

వాణిజ్య గ్యాస్ సిలిండర్ల కొరత ఐటీ సంస్థలపై కూడా ప్రభావం చూపుతోంది. క్యాంటీన్ కార్యకలాపాలు అంతరాయం కలగడంతో కొన్ని కంపెనీలు ఉద్యోగులను ఇంటి నుంచి భోజనం తెచ్చుకోవాలని సూచిస్తున్నాయి. ఇంధనాన్ని ఆదా చేసేందుకు వీలైనంత మందికి వర్క్ ఫ్రమ్ హోమ్ ఇవ్వాలని ఉద్యోగ సంఘాలు సూచిస్తున్నాయి. చెన్నైలో హెచ్‌సీఎల్ టెక్ ఈనెల 12, 13 తేదీల్లో ఉద్యోగులకు ఇంటి నుంచి పని చేసే అవకాశం కల్పించింది. గ్యాస్ కొరతతో క్యాంటీన్ వెండర్లు సేవలు నిలిపివేయడం దీనికి కారణమని కంపెనీ తెలిపింది. ఇన్ఫోసిస్ కూడా బెంగళూరు, చెన్నై కార్యాలయాల్లో క్యాంటీన్‌లలో పరిమిత ఆహారం మాత్రమే అందుబాటులో ఉంటుందని ఉద్యోగులకు సూచించింది.