ఫిరాయింపు ఎమ్మెల్యేలకు హైకోర్టు షాక్

తెలంగాణలో పార్టీ మారిన ఏడుగురు బీఆర్ఎస్ ఎమ్మెల్యేలకు రాష్ట్ర హైకోర్టు బుధవారం నోటీసులు జారీ చేసింది. గతంలో అసెంబ్లీ స్పీకర్ గడ్డం ప్రసాద్ కుమార్ ఇచ్చిన తీర్పును సవాల్ చేస్తూ బీఆర్ఎస్ నేతలు దాఖలు చేసిన పిటిషన్‌పై కోర్టు ఈ నిర్ణయం తీసుకుంది. దానం నాగేందర్, అరికపూడి గాంధీ, కాలే యాదయ్య, ప్రకాష్ గౌడ్, తెల్లం వెంకటరావు వంటి ఎమ్మెల్యేలు పార్టీ మారడాన్ని అనర్హతగా పరిగణించాలని పిటిషనర్లు కోరారు. ఈ విషయంలో తమ వివరణ ఇవ్వాలంటూ ఎమ్మెల్యేలతో పాటు అసెంబ్లీ సెక్రటరీకి కూడా హైకోర్టు నోటీసులు పంపింది. తదుపరి విచారణను వచ్చే నెల 16వ తేదీకి వాయిదా వేస్తూ, అప్పటిలోగా కౌంటర్ దాఖలు చేయాలని ఆదేశించింది.